Charter Document - 02210212
| Charter Number: | 02210212 |
|---|---|
| Cartulary Title: | Recueil des Pancartes de l'Abbaye de la Ferté-sur-Grosne, 1113-1178 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1145 |
| Date type: | Assigned |
| Resource Link(s): |
Archives départementales de Saône-et-Loire - H 25 (p70) |
Charter:
Omnibus sancte christianitatis cultoribus notificamus quod Bertrannus de Faltreris et Jocerannus frater ejus ejusdemque Joceranni filius nomine [] dederunt Deo et sancte Marie de Firmitate et monachis ejusdem loci eorumque successoribus perpetuo in eodem loco Deo servientibus quicquid habebant in territorio Vallicule et in territorio Ville Communalis cum omnibus appendiciis ob remedium animarum suarum omniumque antecessorum suorum a via videlicet que est super Gardam per transversum usque ad finem eorumdem territorium in longitudine et in latitudine totum tam boscum quam planum sine ulla retentione Sed et Jocerannus de Digonia emit ab eis medietatem illius territorii quod Jocerannus de Faltreris et Bertrannus frater ejus habebant in Villa Communali et in ejus appendiciis et tradidit possidendum monachis de Firmitate eorumque successoribus in perpetuum ob salutem anime sue et patris et matris et omnium suorum tam vivorum quam defunctorum Hujus rei testes Guillelmus comes Cabilonis Guido de Rocha Girardus de Digoni Lebaudus frater ejus Hugo de Turre et Hugo filius ejus Hugo prepositus de Chavinniaco