Charter Document - 02210210
| Charter Number: | 02210210 |
|---|---|
| Cartulary Title: | Recueil des Pancartes de l'Abbaye de la Ferté-sur-Grosne, 1113-1178 |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1120 - 1121 |
| Date type: | Assigned |
| Resource Link(s): |
Archives départementales de Saône-et-Loire - H 24 (p6) |
Charter:
Notum sit omnibus tam futuris quam presentibus quod Bertrannus Virgiacensis et Bencelina uxor ejus dederunt Deo et sancte Marie de Firmitate et monachis ejusdem loci omnem terram quam habebant infra terminos terre quam Rainuldus dominus castri Sancti Romani et alii qui participes erant ejus terre ecclesie Firmitatis et monachis ejusdem loci dederant ad puteum de Avenai Nam hec terra erat ex capite Benceline uxoris predicti Bertranni Hoc etiam laudaverunt filii sui Bertrannus videlicet maior et Willelmus et Cecilia filia ipsius uxor Milonis et ipse Milo Hujus rei testes Rainaldus dominus castri Sancti Romani et Poncius frater predicti Bertranni et Lebaldus Puals Ego Stephanus Eduensis episcopus cum assensu tocius capituli mei hec dona que in scedula ista prescripta sunt confirmo et concedo in perpetuo habenda monachis de Firmitate Deo et sancte Marie servientibus quandiu regulam beati Benedicti tenuerint secundum usum Cistellensis ecclesie que est mater eorum Quicumque autem hec violare presumpserit excommunicationis sentenciam incurrat