Charter Document - 02210110

Agnoscant omnes fideles tam futuri quam presentes quod Hugo de Cuissei laudante uxore sua per manum Gualterii Cabilonensis episcopi dedit Deo et sancte Marie de Firmitate et monachis ejusdem loci quantumcumque adducere poterunt de fontibus de Leiva apud Firmitatem ad omnes usus necessarios per cornua videlicet de petra vel cornibus quibuslibet alterius generis si voluerint Et si contigerit ut aqueductus fiat per terram illius concessit ut liber faciant monachi opus ad aqueductum necessarium per terram suam absque ulla calumpnia Dedit etiam isdem Hugo de Cuissei antefatis monachis quicquid habebat vel calumpniabatur infra terralium ipsorum quod est ultra Graunnam a Grisun inferius totum usque ad boscum sancte Marie Bellimontis et quicquid calumpniabatur in mulnario quod Herleius de Martilliaco dedit sancte Marie de Firmitate et fratribus ejusdem loci Sed si quid homines illius infra denominatum locum de terra adplanaverunt et monachi ab eis adquirere poterunt libere eis eam concessit ad possidendum Hujus rei testes Guido cantor Cabilonis Hugo de Berzie Symon de Curtavas Jofridus de Chalmei Petrus de Juentie Filibertus de monasterio Capasie Notandum autem quod frater ejusdem Hugonis nomine Jocerannus non interfuit huic negotio primitus sed postea hoc ipsum concessit atque laudavit coram multis testibus Jocerannus de la Sala testis Lebaudus de Nantun Symon de Curtavas Filibertus de monasterio Capasie Hugo Rufus de Brei Richardus de Seniceo Guido de Dalmarei Sciendum tamen quod de predicto negotio habuit Hugo de Cuissei quattuor libras Cluniacensis monete