Charter Document - 02210096
| Charter Number: | 02210096 |
|---|---|
| Cartulary Title: | Recueil des Pancartes de l'Abbaye de la Ferté-sur-Grosne, 1113-1178 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1113 |
| Date type: | Assigned |
| Resource Link(s): |
Archives départementales de Saône-et-Loire - H 24 (p12) |
Charter:
Quoniam Adam prevaricante caritate frigescente posteritas ejus est diminuta a veritate censuimus scripto commendare que secuntur posterorum memorie Igitur omnibus sancte ecclesie fidelibus tam futuris quam presentibus notum facimus quod Arleis de Martilliaco una cum uxore sua et filiis dedit Deo et sancte Marie de Firmitate et fratribus ejusdem loci sub monte sancti Martini quandam terram inter linoum et Sarmasei a vinea Stephani Guineman usque ad viam que tendit apud Seniceum ut ibi perrariam facerent et quecumque inde vellent facere jure perpetuo licenter sine ulla calumpnia exercerent Hujus rei testes Bertrannus de Ver Aalardus de Seniceo Garoldus de Belmont