Charter Document - 02210082
| Charter Number: | 02210082 |
|---|---|
| Cartulary Title: | Recueil des Pancartes de l'Abbaye de la Ferté-sur-Grosne, 1113-1178 |
| Charter Language: | Latin |
| Charter Origin: | Religious |
| Charter Type(s): | Summons |
| Date: | 1140 |
| Date type: | Assigned |
| Resource Link(s): |
Archives départementales de Saône-et-Loire - H 25 (p28) |
Charter:
Notum sit omnibus futuris et presentibus quod domnus Bartholomeus Firmitatis abbas cogitans ac precavens ne successores ejus in posterum variis occasionibus dominorum succedentium ac vicinorum de designatione territorii Firmitatis ejusdem loci fratres aliquam inquietudinem paterentur accessit ad Ugonem ducem Burgundie qui emerat Chastellet et appendicia ejus a Saverico comite et ad Willemum comitem Cabilonis rogans eos ut territorium Firmitatis sicut primitus fuerat designatum dum adhuc superessent homines qui interfuerant faceret resignare Cujus petitioni leto animo adquiescentes convocatis prepositis suis dux scilicet Hugonem de Arzillei Villelmus comes Bertrannum de Chastiniaco Bernardum Canerium et filios ejus qui interfuerant prefate designationi et Dulcet preceperunt eis ut convocatis hominibus vicinarum villarum Varenne et Sancti Ambrosii absque ulla diminutione multis astantibus sicut prius fuerat factum prefatum territorium ex integro resignarent Qui jussa complentes de predictis villis convocaverunt homines qui interfuerant predicte designationis et multos alios atque coram illis sine ulla contradictione vel calumpnia omnium hominum resignaverunt prefatum territorium incipientes a puteo Sancti Ambrosii sicut vadit via antiquitus apud Buxiacum usque ad crucem Campiliardi Hujus rei testes Sofridus et Rodulfus monachi Firmitatis Petrus de Charmeia Durannus Bellers de Varennes conversi ejusdem loci Robertus Berengiers Petrus de Mez Bruno de Pairola Bruno de Sivoi Bernardus Pelleters de Varennes Bernardus Beliarz Herbertus Buvals Robertus Villelmus Aimbertus de Varennes Amanevis filius Petri de Mez Valet de Sivoi