Charter Document - 02210081
| Charter Number: | 02210081 |
|---|---|
| Cartulary Title: | Recueil des Pancartes de l'Abbaye de la Ferté-sur-Grosne, 1113-1178 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1155 |
| Date type: | Assigned |
| Resource Link(s): |
Archives départementales de Saône-et-Loire - H 24 (p28) |
Charter:
Omnibus sancte ecclesie fidelibus futuris et presentibus notum facimus quod Vitalis de Dracei laudante uxore sua Bonafilia concessit Deo et sancte Marie de Firmitate quicquid calumpniabatur in elemosina avunculi sui apud Sivoi et in domo Roberti Berengarii et in terra quam tenebat de sancta Maria Bellimontis a Chanbun usque ad Firmitatem et in duos seilluns apud Sivoi prope mansum Hugonis al Bez Testes Constantinus Doenellus Durannus de Mulins Andreas de Sancto Marcello Johannes de Sancto Cyro Robertus Guillelmus Episcopalis Ego Galterius divino nutu Cabilonensis episcopus ex auctoritate Dei omnipotentis Patris et Filii et Spiritus Sancti et beatorum apostolorum Petri et Pauli omniumque sanctorum bannum statuo ut si qua personna nobilis aut ignobilis litterata aut illitterata magna vel parva ea que continentur in presenti scedula violaverit et dona fidelium animarum que ad solatium Deo servientium ecclesie sancte Marie Firmitatis oblata sunt et per presentem cartam ne in oblivione eant posterorum memorie tradita sunt defraudaverit vel in sinistru latus commutaverit aliena a communione ecclesie et a corpore et sanguine Domini nostri Ihesu Christi excommunicationi in perpetuum subjaceat nisi Deo et beate Marie semper virginis et fratribus ecclesie Firmitatis de transgressione ac violatione humiliata satisfecerit Fiat Fiat Fiat