Charter Document - 02210028
| Charter Number: | 02210028 |
|---|---|
| Cartulary Title: | Recueil des Pancartes de l'Abbaye de la Ferté-sur-Grosne, 1113-1178 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1150 |
| Date type: | Assigned |
| Resource Link(s): |
Archives départementales de Saône-et-Loire - H 24 (p30) |
Charter:
Notum sit omnibus futuris et presentibus quod ego Bosmundus de de Sancto Jangulfo laudante uxore sua cum filiis suis Stephano Hugone Guillelmo et Jofrido laudantibus etiam Gauterio et Richardo nepotibus suis dedit Deo et sancte Marie de Firmitate et monachis ejusdem loci quemdam mansum apud Masei et quoddam pratum juxta Masei Concessit etiam antefati monachis ut quantum voluerint augere prefatum pratum augeant usque ad grossum boscum de Frasnei Jozaldus de Sancto Jangulfo et Bernardus de Digonia et Petrus de Segmur qui habuerunt filias predicti Richardi in conjugio hoc donum laudaverunt Hujus rei testes Robertus de Sala capellanus Sancti Jangulfi Petrus Litgerius de Parriciaco Episcopi Cabilonis Ego Galterius Dei gratia Cabilonensis episcopus quod in hac carta continetur adquisitum attestor et ratum facio et firmum decerno nullique prorsus deinceps concutiendum esse permitto Et eos omnes qui contra illud venire temptaverint auctoritate Dei omnipotentis Patris et Filii et Spiritus Sancti et sancte Dei genitricis Marie et beatorum apostolorum Petri et Pauli sanctique Vincentii martiris et omnium sanctorum et nostra auctoritate a gremio sancte matris ecclesie excommunico ut donec inde digne satisfaciant a sacratissimo corpore et sanguine Dei et Domini nostri Ihesu Christi alieni fiant Fiat Fiat Fiat