Charter Document - 02210020
| Charter Number: | 02210020 |
|---|---|
| Cartulary Title: | Recueil des Pancartes de l'Abbaye de la Ferté-sur-Grosne, 1113-1178 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1147 |
| Date type: | Assigned |
| Resource Link(s): |
Archives départementales de Saône-et-Loire - H 24 (p30) |
Charter:
Quoniam instabilitas et oblivio ex quo primi parentes vetitum gustaverunt in paradisio multum prevaluerunt in genere humano censuimus posterorum memorie tradere que secuntur exarata calamo scribe Omnibus itaque sancte matris ecclesie filiis notificamus futuris atque presentibus quod domnus Robertus heremita vir religiosus atque honestus locum in Bragniaco qui dicitur sancti Nicholai quem ab Hugone bone memorie duce Burgundie et a Guillelmo Cabilonensi comite consilio domni Jozaldi tunc Cabilonensis episcopi ad serviendum Deo susceperat cum omnibus que ibidem edificaverat vel adquisierat et cum omnibus pertinentiis ejusdem loci Deo et sancte Marie de Firmitate et monachis ibi in perpetuum eterno regi servientibus in presentia domni Eugenii pape qui hoc ipsum donum confirmavit atque coroboravit Dei omnipotentis et sedis apostolice auctoritate pio ac devoto animo apud Cluniacum concessit Hanc concessionem prefatus comes Guillelmus atque Huo prefati ducis filius in presentia ejusdem domni Eugenii pape unanimiter laudaverunt Reverendus quoque Gualterius Cabilonensis episcopus ecclesiam quam antefato loco consecraverat similiter in presentia domni Eugenii pape antefati predictis monachis Firmitatis Cabiloni concessit Hujus rei testes Guido de Verdun Bertrannus de Saldun Hugo Beraldus Jofridus de la Porta