Charter Document - 02199894

In nomine Domini nostri Jhesu Christi amen Anno Nativitatis ejusdem MCCLV indictione XIIII mense decembris die XIIII pontificatus domini Alexandri pape IIII anno primo In presentia mei Noclerii scriniarii ac testium subscriptorum ad hoc specialiter vocatorum et rogatorem Bonaventura Bernardini Bartholomeus Guidi cives et mercatores Senenses pro se et Rolando Bonsignoris Hugolino Belmontis Capicino Bucci et Andrea Jacobi ac aliis eorum sociis et concivibus suis quitaverunt liberaverunt finem perpetuum et generalem refutationem et pactum ulterius de non plus petendo venerabili patri domino Guillelmo Dei gratia abbati monasterii Cluniacensis suo et conventus sui ac sui monasterii nomine recipienti fecerunt videlicet de omnibus juribus actionibus utilibus et directis tacitis et expressis generalibus et specialibus realibus et personalibus petitionibus penis dampnis expensis et interesse que et quas usque nunc adversus ipsum abbatem et conventum monasterii Cluniacensis et ipsum monasterium habuerunt vel deinceps quoquo modo habere possent undecumque et quomodo cum que generaliter et specialiter ratione et occasione sex milium librarum Turonensium in quibus ipse dominus abbas et conventus ipsius monasterii ac ipsum monasterium nominatis mercatoribus tenebantur ex causa mutui sicut in instrumento publico manu mei scriniarii inde confecto plenaria continentur quod instrumentum rogationes et proto colla ac litteras dictorum abbatis et conventus de mutuo con trahendo sive certa summa una cum litteris testimonialibus domini abbatis Majoris monasterii Turonensis prefati mercatores volunt quod sint cassa et vacua et nullius valoris atque momenti consistant immo pro vacuis cassis irritis et inanibus de cetero penitus habeantur Hanc autem quitationem liberationem finem perpetuum et generalem refutationem prefato domino abbati suo et conventus sui et dicti monasterii Cluniacensis nomine recipienti prefati mercatores suo et sociorum suorum nomine recipientes fecerunt pro eo quod confessi sunt et recognoverunt satisfactum esse de predicta summa pecunie Hugolino Bellimontis Capicino Bucci et Andree Jacobi sociis suis in Nundinas Latina censes apud Latini acum proxime preteritas ita ut amodo inantea sepe fati dominus abbas et conventus sui ac ipsum monasterium quieti pacifici et tranquilli et ab omni lite ac questione perpetuo remoti quod nec ab ipsis mercatoribus vel a sociis suis vel ab aliqua ab eis submissa vel submittenda persona movebitur ipsis abbati et conventui molestia vel litis calumpnia seu controversia de premissis et quod jus suum quod in predictis omnibus habuerunt se nulli dedisse donasse cessisse et concessisse vel aliquem inde contractum alicui fecisse promittentes insuper dicti mercatores pro se et sociis suis quod quam citius predictum instrumentum de dictis sex milibus librarum Turonensium et litteras de mutuo contrahendo sive certa summa cum litteris testimonialibus predictis rehabere seu recuperare poterunt pro eo quod sunt et fuerunt in una amissa predictis abbati et conventui incisa et cancellata reddere firmiter promiserunt quam refutationem et omnia supradicta et singula promiserunt dicti mercatores pro se et sociis suis perpetuo rata et firma habere et contra non venire sub obligatione omnium bonorum suorum voluerunt insuper quod si predicte littere que sunt amisse rein reddantur abbati et monasterio supra dictis et nullius valoris atque momenti penitus consistant et quicquid ipsarum auctoritate fieri et sit cassum irritum et vacuum Actum Laterani coram hiis testibus scilicet fratribus Petro priore sancti Victoris Gebennensis teste Galerio fisico dicti abbatis teste Gerardo teste Werico teste et Johanne de Cusentiis monachis dicti monasterii testibus Ego Noclerius auctoritate imperiali scriniariis predictis omnibus interfui et hoc instrumentum scripsi et complevi rogatus