Charter Document - 02195514
| Charter Number: | 02195514 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1269 |
| Date type: | Internal, A.D., Calendar |
| Resource Link(s): |
CCE: cartae cluniacenses electronicae |
Charter:
Universis presentes litteras inspecturis Yvo miseratione [divina] Cluniacensis ecclesie minister humilis salutem in Domino Noveritis quod cum dominus Raymundus de Sto Urcisio miles in permutationis seu cambii titulum quasdam possessiones et quedam jura dedit et concessit et tradidit perpetuo domum Sti Flori in quorum recompensationem venerabiles religiosissimi fratres nostri Raymundus prior quondam defunctus et conventus dicte domus nostre Sti Flori tenentiam Roberti de Falgayrozas tenentiam Johannis del Maio tenentiam Raymundi del Deves tenentiam Guillelmi Martini tenentiam Guillelmi de Horto tenentiam Vigerii et pratum P Barrochi quod ad prefati conventus pitantiam pertinebant deinde concesserunt et tradiderunt perpetuo militi memorato nosque nec dictam domum quam in manu nostra tenemus volentes [nec] supradicti conventus pitantiam in suis possessionibus sive bonis ratione permutationis seu cambii hujusmodi ignorari in recompensationem rerum seu possessionum predictarum tenentiam del Moriagis et tenentiam de Neyravesas decimis ad consuetudinem terre domini Petri de Brezons militis a Raymundo fratre nostro priore de Paulhac percipiendis et levandis duntaxat exceptis pitancie jam dicti conventus Sti Flori perpetuo concedimus tradimus et etiam assignamus In cujus rei testimonium presentes litteras prefato conventui tradimus sigilli nostri munimine roboratas Datum apud Sanctum Florum octavo kalendas julii anno Domini millesimo ducentesimo sexagesimo nono