Charter Document - 02195459
| Charter Number: | 02195459 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Release |
| Date: | 1297 |
| Date type: | Internal, A.D., Feast |
| Resource Link(s): |
CCE: cartae cluniacenses electronicae |
Charter:
Reverendo in Christo patri ac domino [] domino B[ertrando] Dei gracia abbati Clugniacensi frater Petrus humilis subprior totusque conventus de Karitate sui humiles monachi et devoti salutem et obedientiam debitam et devotam usque ad mortem Cum in vestro generali capitulo Clugniacensi quedam statuta per vos facta fuerint in quibus potestatem absolvendi vobis soli duxeritis reservandam paternitati vestre reverende humiliter supplicamus quatinus consideratis animarum periculis que in ecclesia vestra Karitatis et aliis domibus eidem subjectis possent provenire si ad vos pro absolutione dictorum casuum oporteat habere recursum dignemini priori nostro Karitatis absolvendi in casibus vobis retentis committere et concedere si vobis placeat facultatem Valeat bene et diu vestra paternitas reverenda Datum die martis ante Decollationem beati Johannis Baptiste anno Domini MCC nonagesimo septimo