Charter Document - 02195426

Bonifacius Episcopus servus servorum Dei venerabili fratri Episcopo Valentinensi et dilectis filiis Cluniacensi Matisconensis Moysiacensi et Figiacensi Caturcensis et Thiernensi Claromontensis Monasteriorum Abbatibus ac sancti Martini de Campis Parisien et de Celsiniis et de rivis predicte Claromonten ac de Marciniaco Eduen Diecesum Prioratuum Prioribus Ordinis Cluniacensis salutem et Apostolicam benedictionem Felicis recordationis Nicolaus Papa quartus predecessor noster ad Reformationem Ordinis et Monasterii Cluniacensi ac personarum ipsorum intendens quedam statuta in Ordine ipso edidit perpetuis temporibus observanda prout in litteris predecessoris ipsius super hoc confectis plenius continetur Cum autem per statuta hujusmodi status Abbatum Priorum ac quarumdam personarum ejusdem Ordinis esset lesus enormiter et multipliciter conquassatus nos ex certa scientia per alias nostras litteras aliqua de ipsis statutis que importabilia evidentius apparebant duximus revocanda Super aliis vero que in dictis statutis quamplurimum gravia contineri dicuntur certitudinem plenariam habere volentes ac de vestre circumspectionis industria gerentes fiduciam in Domino specialem discretioni vestre per Apostolica scripta mandamus quatinus statuta predicta exhiberi vobis sublato dilationis obstaculo facientes vos omnes si commode poteritis vel major pars vestrum ea diligenter et attente examinare ac discutere studeatis et ea que in eisdem statutis corrigenda mutanda diminuenda vel addenda seu statuenda de novo videritis ad conservationem ipsius Ordinis laudabilem et felicem requisito et habito super his Consilio et assensu dilectorum filiorum Prioris Claustralis Cluniacensis et duorum de Ordine supradicto qui Domini Ordinis appellantur non obstante cujusvis contradictionis obstaculo corrigatis mutetis diminuatis addatis ac etiam statutis de novo [] nobis per vestras patentes litteras harum seriem continentes plene seriose ac fideliter intimetis Datum Anagnie [] Pontificatus nostri anno primo