Charter Document - 02195404
| Charter Number: | 02195404 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1294 |
| Date type: | Internal, A.D. |
| Resource Link(s): |
CCE: cartae cluniacenses electronicae |
Charter:
Universis presentes litteras inspecturis frater Guillelmus miseratione divina Cluniacensis ecclesias minister humilis salutem in Domino Noveritis quod cum venerabilis et carissimus frater noster Garnerius prior domus nostre Sancti Flori de voluntate et consensu expresso conventus sui Sancti Flori fecerit ordinaverit et constituerit quod in domo nostra Sancti Flori predicta sit cameraria ad opus vestiarii dicti conventus Sancti Flori in perpetuum faciendi deditque assignavit et concessit idem prior pro faciendo et complendo dicto vestiario annis singulis domum de Ternis que ad mensam dicti prioris pertinebat cum omnibus pertinentiis dicte domus de Ternis et juribus universis nihil sibi et suis successoribus futuris prioribus Sancti Flori penitus retinens nisi magnam et altam jurisdictionem et justitiam que ad ipsum priorem Sancti Flori et successores suos in dicta domo de Ternis [et] decem sextarios frumenti per dictum camerarium Sancti Flori perpetuo annis singulis persolvendos ordinatumque fuit per eumdem priorem Sancti Flori de voluntate et consensu expresso dicti conventus sui quod ex nunc per ipsum priorem Sancti Flori et successores suos provideatur de camerario camerarie supradicte sine consensu et requisitione conventus sui predicti eumque etiam dictus prior Sancti Flori dictam camerariam de novo sic ordinatam de camerario competente voluit providere carissimum fratrem nostrum et suum Beraldum de Vogiacco perficiendo [eum] in camerarium camerarie supradicte Nos predicta omnia et singula premissa prout satius est et plenius est dictum in quibusdam litteris inde confectis et sigillorum dictorum prioris et conventus munimine roboratis vidimus confirmamus laudamus et approbamus et per bas patentes litteras ex certa scientia confirmamus In quorum testimonium presentibus litteris sigillum nostrum duximus apponendum Datum apud Sanctum Quintinum supra Celsinanias anno domini millesimo ducentesimo nonagesimo quarto Requirens me supradictum notarium idem frater Beraldus camerarius supradictus ut super premissis sibi conficerem et scriberem manu mea publicum instrumentum signo meo consueto signatum