Charter Document - 02195387
| Charter Number: | 02195387 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1291 |
| Date type: | Internal, Calendar, Papal |
| Resource Link(s): |
CCE: cartae cluniacenses electronicae |
Charter:
Exposita nobis dilectorum filiorum Guillelmi abbatis et conventus monasterii Cluniacensis Matisconensis dioecesis petitio continebat quod cum dilecti filii Bindus Henrigoli et Raynerius Johannis cives et mercatores Senenses de societate filiorum Bonsignoris et Bonaventure Bernardini de Senis tam suo quam dilectorum filiorum ipsius Bonaventure ac Thure Bartholomei Venture Bonamichi Jacobi Thomasii Andree Christofori Christofori Bonsignoris et Rossi Bonagratie ac aliorum sociorum suorum societatis predicte nomine ab eisdem abbate et conventu tempore generalis capituli tunc apud Cluniacum celebrati triginta septem milia et octingentas libras turonensium parvorum ab eisdem mercatoribus et eorum sociis prefato conventui et eorum ecclesie pro suis et ipsius ecclesie negotiis et utilitatibus tempore quondam Yvonis ipsius monasterii abbatis defuncti novissime et aliorum predecessorum Guillelmi abbatis et conventus predictorum diversis temporibus mutuatas ac in eorum et ipsius ecclesie utilitatem conversas necnon et tria milia librarum ejusdem monete quas dicti mercatores eidem Guillelmo abbati pro suis et ipsius [ecclesie] expediendis negotiis et utilitatibus in romana curia mutuarent instanter sibi reddi peterent et persolvi memorati Guillelmus abbas et conventus diligenti deliberatione computatione ac ratione habitis super hiis cum mercatoribus supradictis attendentes quod iidem mercatores et socii eorumdem prefatis abbati et conventui et ecclesie a longis retro temporibus in predictis et aliis utiliter servierunt ac alias grata obsequia impenderunt eisdem et propterea nolentes inter se ac eosdem mercatores et socios questionis materiam suboriri presertim cum per computationem et rationem ab eisdem abbate et conventu super hiis habitas cum mercatoribus et sociis prelibatis legitime sit compertum quod prefati abbas conventus et ecclesia mercatoribus et sociis ipsis in eisdem pecuniarum quantitatibus teneantur et ideo recognoscentes se et ecclesiam supradictam mercatoribus et societati prefatis teneri ex predicta causa mutui contracti legitime ac etiam de pura eorum sorte conversa in utilitatem monasterii sepe fati predictas omnes pecuniarum summas eisdem mercatoribus et eorum sociis certo loco et terminis solvere promiserunt prout in litteris predictorum G abbatis et conventus super hoc confectis plenius et seriosius dicitur contineri Quocirca discretioni vestre de utriusque partis assensu per apostolica Scripta mandamus quatenus predictas pecuniarum summas in loco et terminis in litteris ipsis expressis faciatis vos duo vel unus vestrum per vos vel per alium seu alios integre juxta tenorem litterarum ipsarum prefatis mercatoribus et eorum sociis usuris omnino cessantibus exhiberi Contradictores [] Non obstante [] Dat apud Urbemveterem x kalendas augusti anno quarto