Charter Document - 02195376
| Charter Number: | 02195376 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1290 |
| Date type: | Internal, Calendar, Papal |
| Resource Link(s): |
CCE: cartae cluniacenses electronicae |
Charter:
Venerabili fratri [] episcopo Cabilonensi et dilectis filiis [] Trenorchiensi ac [] de Sancto Rigaudo monasteriorum abbatibus Cabilonensis et Matisconensis dioecesium Exposuit nobis dilectus filius Guillelmus abbas monasterii Cluniacensis ad romanam ecclesiam nullo medio pertinentis Matisconensis dioecesis quod nonnulli predecessores sui abbates ipsius monasterii et quam plures alii abbates et priores dicto monasterio mediate et immediate subjecti qui fuerunt pro tempore pensiones annuas de bonis ejusdem monasterii Cluniacensis necnon et aliorum monasteriorum et prioratuum predictorum redditus grangias possessiones ad monasterium predictum spectantes necnon et prebendas nonnullis prelatis clericis et laicis contra statuta felicis recordationis Gregorii pape noni predecessoris nostri retinendos et percipiendos ab eis quamdiu vixerint concesserunt in ipsius Cluniacensis et aliorum monasteriorum ac prioratuum predictorum non modicum prejudicium et gravamen Quare prefatus abbas nobis humiliter supplicavit ut providere super hoc eidem monasterio Cluniacensi de benignitate apostolica curaremus Quocirca discretioni vestre per apostolica scripta mandamus quatenus vocatis qui fuerint evocandi universas concessiones hujusmodi factas ab abbatibus et prioribus supradictis illis dumtaxat exceptis que noscuntur fratribus nostris romane ecclesie cardinalibus esse facte vos vel duo aut unus vestrum per vos vel per alium seu alios auctoritate nostra sine strepitu et figura judicii revocare curetis Contradictores [] Non obstantibus quibuslibet litteris seu privilegiis super confirmatione dictorum prioratuum redituum grangiarum possessionum et prebendarum sub quacumque forma vel expressione verborum a sede apostolica impetratis aut si aliquibus a sede sit indultum eadem quod interdici suspendi vel excommunicari non possint per litteras dicte sedis non facientes plenam et expressam de indulto hujusmodi mentionem et per quas presentibus non expressas vel totaliter non insertas effectus eorum impediri valeat vel differri et de quibus quorumve totis tenoribus de verbo ad verbum in nostris litteris sit habenda mentio spetialis Dat Rome apud Sanctam Mariam Majorem v kalendas martii anno tertio