Charter Document - 02195375

Nicolaus Episcopus servus servorum Dei dilecto filio Guillelmo Abbati Monasterii Cluniacensis ad Rom Ecclesiam nullo medio pertinentis salutem et Apostolicam benedictionem Exhibita nobis dilectorum filiorum de Silviniaco de Crispejo S Marcelli Cabilonensis de sancto Gelasio de Vendopera de Vlmatis de Vallebonesii sancti Theobaldi de Flabeyo de Monteacuto de Pontoris et S Iuliani Parisiensis Prioratuum Priorum Cluniacensis Ordinis petitio continebat quod Monasterium Cluniacense Romane Ecclesie immediate subjectum et statu letari prospero consuetum tanto debitorum onere ac aliis diversis incommodis sit pregravatum quod nisi celeri remedio succurratur eidem verendum occurrit ne per usurariam voraginem ac alias etiam multipliciter Monasterium ipsum in bonis suis incurrat irreparabile detrimentum Quare memorati Priores tam dispendioso statui et tam gravibus Monasterii prelibati periculis intimo compatientes affectu et cupientes ut ab illis possit auctore Domino relevari Nobis humiliter supplicarunt ut vicesimam partem omnium Proventuum et reddituum Monasteriorum et Prioratuum que sunt immediate ac mediate dicto Monasterio Clun subjecta et aliarum etiam Ecclesiarum tam secularium quam Regularium ad collationem seu presentationem tuam et aliorum Abbatum Priorum et conventuum Ordinis memorati spectantium tibi pro exoneratione debitorum ipsorum per sex annorum spatium benigne concedere dignaremur Nos autem predicto Monasterio quod speciali favore prosequimur compatientes ab intimis et Priorum predictorum laudandum et salubre desiderium multipliciter in Domino commendantes volentes quoque super hoc benigne annuere precibus eorumdem tibi vicesimam partem omnium proventuum et reddituum predictorum in solutionem debitorum ipsorum totaliter convertendam per idem tempus presentium auctoritate concedimus de gratia speciali nonobstantibus quibuslibet indulgentiis Apostolicis impetratis vel impetrandis per quas concessioni hujusmodi posset quomodo libet obstaculum interponi seu quibuslibet contrariis consuetudinibus vel statutis juramento confirmatione Sedis Apostolice seu quacumque alia firmitate vallatis Per hujusmodi autem gratiam tibi factam nolumus quod Prelatis illis ad quos in eisdem Ecclesiis in quibus tu et ceteri Abbates ac Priores predicti presentationem habetis institutio spectare dignoscitur aliquod circa institutionem eamdem prejudicium generetur Nulli ergo [] Datum Rome apud sanctam Mariam Majorem V Kalendas Martii Pontificatus nostri anno III