Charter Document - 02195363

Nicolaus Episcopus Servus Servorum Dei Dilectis filie Abbati Cluniac ejusque Coabbatibus Prioribus et Conventibus universis Cluniacensis Ordinis Salutem et Apostolicam benedictionem Regis pacifici pacis opera diligentis gerentes [licet immeriti] vices in terris pacis bonum et concordie stabilis unitatem cunctis fidei orthodoxe cultoribus sed potissime regularis observante vinculo alligatis ferventibus votus appetimus et sollicitis studiis procuramus ut divinorum cultui cui salubris illos dedicavit intentio liberius et commodius immorentur Quamobrem vigiles reddimur et propensius affectamus ut inter vos divinis obsequiis regulariter deputatos tranquilla pax vigeat fraterna charitas ferveat animorum identitas perseveret Sane felicis recordationis Gregorius Papa nonus predecessor noster ad vestrum et Monasterii vestri statum prosperum et tranquillum intendens nonnulla pro reformatione Cluniacensis Ordinis duxit dum viveret auctoritate Apostolica statuenda que districte ac inviolabiliter observari precepit in Ordine supradicto Nos autem diligentis attendentes quod aliquorum ex statutis hujusmodi que nobis non modicum difficilia videbantur non poterat observatio efficax provenire circa illa prout expedire cognovimus duximus providendum Et volentes ipsius predecessoris vestigia imitati auctoritate Apostolica duximus statuendum ut statuta ipsa juxta moderationem nostram prout notatur inferius in eodem Ordine perpetuis futuris temporibus observentur In primis itaque statuimus ut omnes Abbates et Priores Cliniac Ordinis immediate Monasterio Cluniac subjecti in regno Francie constituti annis singulis existentes autem in Anglia Hispania Alemania et Lombardia de biennio in biennium conveniat ad Capitula generale ubi fine personam acceptione secundum Deum et B Benedicti regulam et Cluniac Ordinis instituta delinquentium corrigantur excessus et de salute animarum et conservatione Ordinis ac domorum indemnitate tractetur et statuatur quod fuerit regulariter statuendum Nec in hoc Priores et Camerarii invicem sibi pateant sed unusquisque que viderit in Ordine corrigenda in personis vel rebus que Visitatores non fuerint correcta coram Definitoribus annis singulis in publico vel privatim in charitate proponat Et hoc idem Visitatores coram Definitoribus facere teneatur et correctus hoc moleste non ferat sed correctionem accipiat patienter Hoc autem Capitula [in quo volumus ut nulle fiant exactiones ab aliquo nulla dentur munera vel recipiantur seu etiam promittatur sed omnia in sinceritate procedant] modo qui sequitur celebretur et in eo Definitores de Abbatibus et Prioribus Cluniacensis Ordinis eligantur Ad quod quidem Capitulum Abbates et Priores prefati modo predicto per obedientiam venire teneatur [causa duntaxat infirmitatis excepta] nisi casus inopinatus et multum damnosus incurreret Definitorum et Capituli judicio relinquendas et eorum quibus proprium impedimentum seu casum Capitulo et Definitoribus denuntiet supradictis Qui vero no venerit et se secundum modum legitime non excusaverit memoratum post sequens Capitulum ad quod venire similiter teneatur in claustro Cluniacensi duorum menstruum spatio assidue moram trahat Mediati autem Abbates et Priores singulis annis semel ad Capitulum conveniat in principalibus Abbatiis et Prioratibus quibus subsunt statuto tempore prout visum fuerit expedire Quos si non fecerit in suis immediate majoribus Abbatiis vel Prioratibus pene simili puniantur [] Dat Reate i Idus Sept Pont nostri anno i