Charter Document - 02195335
| Charter Number: | 02195335 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1286 |
| Date type: | Internal, Papal |
| Resource Link(s): |
CCE: cartae cluniacenses electronicae |
Charter:
Honorius Episcopus servus servorum Dei dilectis filiis Abbati et conventui Monasterii Cluniac ad Rom Ecclesiam nullo medio pertinentis Matisconens Dieces salutem et Apostolicam benedictionem Desideriis vestris in iis affectu benevolo libenter annuimus per que materie summota gravaminis status vestri tranquillitas procuretur Hinc est quod nos paci et quieti vestre paterna volentes sollicitudine providere auctoritate vobis presentium indulgemus ut Prioratus Cluniacensis Ordinis soliti per Monachos vestri Ordinis gubernari cuiquam conferri non possint nec vos ad illorum collationem compelli aliquatenus valeatis per litteras Sedis Apostolice vel legatorum ejus obtentas per quas non sit jus alicui specialiter acquisitum vel etiam obtinendas nisi predicte Sedis littere obtinende plenam et expressam de indulto hujusmodi et ordine vestro fecerint mentionem Nos enim excommunicationis suspensionis et interdicti sententias si quas in vos aut aliquem vestrum contra hujusmodi indulti tenorem ferri contigerit decernimus irritas et inanes Nulli ergo [] Datum Rome apud sanctam Sabinam V Idus Aprilis Pontificatus nostri anno primo