Charter Document - 02195333
| Charter Number: | 02195333 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1286 |
| Date type: | Internal, Calendar, Papal |
| Resource Link(s): |
CCE: cartae cluniacenses electronicae |
Charter:
Dilecto filio J tituli Sancte Cecilie presbytero cardinali apostolice sedis legato Ex parte dilectorum filiorum [] abbatis et conventus monasterii Cluniacensis ad Romanam ecclesiam nullo medio pertinentis Matisconensis dioecesis fuit nobis humiliter supplicatum ut cum ipsi in civitate Parisiensi obtineant quandam domum in qua quadraginta fratres Cluniacensis Ordinis studentes in theologica facultate quasi continue commorantur predictis fratribus ad opus duntaxat eorum habendi cimiterium juxta capellam quam habent in domo predicta et campanas in capella ipsa ad convocandum fratres licentiam concedere curaremus Nos itaque de circumspectione tua plenam in Domino fiduciam obtinentes discretioni tue per apostolica scripta mandamus quatinus predictis fratribus auctoritate nostra sine præjudicio venerabilis fratris nostri episcopi [] Parisiensis et aliarum ecclesiarum civitatis predicte concedas licentiam postulatam Dat Rome apud Sanctam Sabinam xv kal Aprilis anno primo