Charter Document - 02195328

Honorius Episcopus servus servorum Dei dilectis filiis Abbati et conventui Monasterii Clun ad Romanam Ecclesiam nullo medio pertinentis Matisconensis Diocesis salutem et Apostolicam benedictionem Vestre pacis querentes commodum et quietis libenter illa concedimus vobis per que materia submota gravaminis status vestri tranquillitas procuretur Hinc est quod nos vestris gravaminibus occurrere cupientes auctoritate vobis presentium indulgemus ut per Apostolice Sedis vel legatorum ipsius litteras impetratas per quas non sit jus alicui specialiter acquisitum vel etiam impetrandas de Prioratibus et Grangiis per Monachos vestri Ordinis solitis gubernari ad vos vel fratres vestri Ordinis spectanctibus nulli valeat provideri aut assignari vel conferri pensiones in eis nec ad id compelli possitis nisi eedem littere Apostolice impetrande specialem ac plenam de hac indulgentia vestroque Monasterio et Ordine inserto in eis ipsius indulgentie tenore de verbo ad verbum fecerint mentionem Nos enim processum vel sententiam si quem vel si quam contra vos auctoritate hujusmodi litterarum impetrandarum contra tenorem presentis indulgentie ferri vel haberi contigerit communiter vel divisim decernimis irritos et inanes Nulli ergo omnino hominum liceat hanc paginam nostre concessionis et constitutionis infringere vel ei ausu temerario contraire Si quis autem hoc attentare presumpserit indignationem omnipotentis Dei et Beatorum Petri et Pauli Apostolorum ejus se noverit incursurum Datum Rome apud sanctam Sabinam Idibus Martii Pontificatus nostri anno primo