Charter Document - 02195303
| Charter Number: | 02195303 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1283 |
| Date type: | Internal, Papal |
| Resource Link(s): |
CCE: cartae cluniacenses electronicae |
Charter:
Martinus Episcopus servus servorum Dei dilectis filiis Abbati et conventui Monasterii Cluniacensis salutem et Apostolicam benedictionem Religionis vestre meretur honestas ut votis vestris favorabiliter annuamus Sane petitio vestra nobis exhibita continebat quod nonnulli tam vestri quam aliorum Monasteriorum Ordinis Cluniacensis Abbates et Priores de bonis per eorum industriam acquisitis et etiam alii clerici et laici de rebus suis vobis [filii Conventus] certos annuos redditus contulerunt ad ipsorum Anniversaria in dicto vestro Monasterio facienda vobis tunc pro pitantia ministrandos Nos itaque vestris supplicationibus inclinati auctoritate presentium districtius inhibemus ut nullus Abbas dicti Monasterii vestri qui fuerit pro tempore redditus eosdem in proprios usus convertere absque Sedis Apostolice auctoritate presumat Decernimus quoque si secus super hoc actum fuerit irritum et inane Nulli ergo [] Datum apud Urbem Veterem V Idus Februarii Pontificatus nostri anno II