Charter Document - 02195283

Charter Document - 02195283


Charter Number: 02195283
Cartulary Title: Recueil des Chartes de l'Abbaye de Cluny
Charter Language: Latin
Charter Origin: Religious
Charter Type(s): Permission
Date: 1281
Date type: Internal, A.D.
Resource Link(s): CCE: cartae cluniacenses electronicae

Charter:

Venerabilibus et charissimis fratribus nostris Priori et Conventui nostro Cluniacensi frater Yvo miseratione divina Cluniacensis ecclesie minister humilis salutem gratiam et benedictionem Ex parte religiosi viri fratris Stephani de Pontysara monachi monasterii sancti Germani de pratis Parisius in quadam ecclesie cella usque ad certum tempus ad penitentiam agendam reclusi fuit nobis humiliter supplicatum ut vobis auctoritatem prestare misericorditer dignaremur ut vos universis significare possitis per vestras patentes litteras quomodo dictus frater Stephanus penitentiam sibi injunctam peregerit et in cella sibi deputata fuerit conversatus quamprimum ipsum fratrem Stephanum ad prefatum sancti Germani monasterium contigerit remeare Nos attendentes quod in nostra Cluniacensi ecclesia predicta et moram non possumus facere continuam tamquam illi qui jam dicte ecclesie nostre frequenter sumus negotiis inevitabilibus impediti qui etiam nollemus ob nostram absentiam quo quo casu futuram predicti fratris Stephani petitionem justam et humilem in aliquo retardari petitioni ipsius assensum benevolum annuentes notum vobis facimus tenore presentium litterarum quod nos ex nunc vobis damus et concedimus auctoritatem plenarium et liberam potestatem significandi universis per vestras patentes litteras super premissis et in omnibus aliis que sciveritis et judicaveritis dicto Stephano necessaria veritatem cum fratrem Stephanum ad prefatum monasterium sancti Germani licite contigerit remeare Datum Cluniaci non Septemb anno Domini millesimo ducentesimo octogesimo primo