Charter Document - 02195244
Charter Number: | 02195244 |
---|---|
Cartulary Title: | Recueil des Chartes de l'Abbaye de Cluny |
Charter Language: | Latin |
Charter Origin: | Papal |
Charter Type(s): | Mandate |
Date: | 1279 |
Date type: | Internal, Calendar, Papal |
Resource Link(s): |
CCE: cartae cluniacenses electronicae |
Charter:
Nicolaus Episcopus servus servorum Dei dilectis filiis Abbati et conventui Monasterii Cluniacensis salutem et Apostolicam benedictionem Exigentibus vestre devotionis meritis votis vestris libenter annuimus et petitiones vestras quantum cum Deo possumus favorabiliter exaudimus Hinc est quod vestris supplicationibus inclinati adinstar felicis Recordationis Alexandri Pape IV Predecessoris nostri auctoritate vobis presentium indulgemus ut si Ecclesiarum Prelati numerum Evectionum et personarum in Lateranensi Concilio constitutum cum vestras et Monasteriorum ac Prioratuum vestrorum Ecclesias visitaverint excedere forte presumpserint et ipsi pro Evectionibus vel personis in quibus excesserint eumdem numerum vel aliquis de ipsorum familia occasione alicujus officii aut consuetudinis aut quolibet alio modo eorum nomine pecuniam vel aliquid aliud petierint preter Procurationes tantum in victualibus moderatas liberum sit vobis et Prioribus Monasteriorum et Prioratuum predictorum quod taliter petitur denegare et si forte propter hoc dicti Prelati vel eorum aliquis in Ecclesias ipsas vel Religiosos aut Ecclesiasticos ibidem morantes aliquam sententiam promulgaverit ipsam decernimus non tenere Nulli ergo [] Datum Rome apud sanctum Petrum X Kalendas Februarii Pontificatus nostri anno II Est et aliud Privilegium ipsius Nicolai Pape III ejusdem date per quod ad instar Alexandri Pape IV Confirmat statutum factum per Abbates et Conventum Cluniacenses de non amplius concedendo vllis clericis secularibus redditus et proventus prebende quam habet Monasterium Clun in Ecclesia Carnotensi deputatos ad luminare B Apostolorum Petri et Pauli in eodem Monasterio Quare vide supra