Charter Document - 02195228
| Charter Number: | 02195228 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1277 |
| Date type: | Internal, A.D., Feast |
| Resource Link(s): |
CCE: cartae cluniacenses electronicae |
Charter:
Nos frater Garnerius humilis decanus Cluniacensis notum facimus universis presentes litteras inspecturis quod Guieta filia quondam Symonis de Vergecon et Bartholomeus Avener maritus ejus in nostra propter hoc presentia constituti permutationem quam magister Stephanus de Vergecon canonicus Matisconensis fecit cum reverendis patribus nostris Yvoni abbati et conventu Cluniacensi de prato sito juxta pratum nostrum de Ulmo quod pratum quondam fuerat Symonis antedicti et quod pratum cum eorumdem patrum vinea de Laisarable idem Stephanus permutavit secundum quod in ipsorum patrum et nostris litteris super eadem permutatione confecti[s] plenius continetur laudant volunt approbant penitus et acceptant promittentes eisdem patribus nostris per prestitum coram nobis corporaliter sacramentum quod contra predictam permutationem non venient per se vel per alium in futurum nec in dicto prato quicquam de cetero reclamabunt In cujus rei testimonium ad predictorum Guiete et Bartholomei conjugum petitionem et instanciam sigillum nostrum presentibus duximus apponendum Actum die mercurii post festum beati Dyonisii anno Domini MCC septuagesimo septimo