Charter Document - 02195224
| Charter Number: | 02195224 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1277 |
| Date type: | Internal, Calendar, Papal |
| Resource Link(s): |
CCE: cartae cluniacenses electronicae |
Charter:
Ioannes Episcopus servus servorum Dei dilecto filio [] Abbati Case Dei Claromontens Dioces salutem et Apostolicam benedictionem Significavit nobis dilectus filius [] Abbas Monasterii Cluniacensis quod licet ipse in omnibus Prioratibus Cluniacensis Ordinis sibi subjectis Priores instituat et destituat pro sue libito voluntatis nec Priores ipsi sine assensu legitimo ejusdem Abbatis alienare vel distrahere valeant aliqua de bonis Prioratuum predictorum Nonnulli tamen Priores Prioratuum hujusmodi sibi subjectorum in Provincia Bituricensi domos Terras Possessiones et nonnulla alia bona Prioratuum ipsorum ejusdem Abbatis irrequisito consensu alienare et distrahere temere presumpserunt in ipsius Abbatis et Prioratuum eorumdem prejudicium et gravamen Quare dictus Abbas nobis humiliter supplicavit ut providere sibi super hoc paterna sollicitudine curaremus Quocirca discretioni tue per Apostolica scripta mandamus quatinus si ita est ea que de bonis ipsorum Prioratuum in dicta Provincia ipsi Abbati subjectorum taliter per eosdem Priores ipsius Provincie alienata inveneris vel distracta ad jus et proprietatem ipsorum Prioratuum non obstantibus aliquibus litteris vel instrumentis super hoc confectis studeas legitime revocare contradictores per censuram Ecclesiasticam appellatione postposita compescendo ac eisdem Prioribus in dicta Provincia Bituricensi constitutis auctoritate nostra nihilominus inhibendo ne talia de cetero attentare presumant Testes autem qui fuerint nominati si se gratia odio vel timore subtraxerint censura simili appellatione cessante compellas veritati testimonium perhibere Datum Viterbii Idibus Martii Pontificatus nostri anno primo Est et alia omnino Conservatoria ejusdem Pontificis ac paris Date directa Abbati sancti Benigni Divionensis pro revocatione bonorum Ordinis Clun in Provincia Lugdunensi alienatorum