Charter Document - 02195221

Ioannes Episcopus servus servorum Dei dilecto filio Priori sancte Marie Pampilonensis salutem et Apostolicam benedictionem Ex parte dilecti filii [] Abbatis Clun nobis extitit intimatum quod tam Abbates et Priores qui fuerunt pro tempore ac conventus Clun quam Priores et conventus Prioratuum Cluniacensis Ordinis Monasterio Clun pleno jure subjectorum domos grangias prata nemora molendina possessiones redditus vineas jura jurisdictiones et quedam alia bona eorumdem Monasterii et Prioratuum datis super hoc litteris et instrumentis publicis confectis interpositis juramentis et penis adjectis nonnullis clericis et laicis aliquibus eorum ad vitam quibusdam vero ad non modicum tempus et aliis perpetuo ad firmam vel sub censu annuo pro sue voluntatis arbitrio in ipsorum Monasterii et Prioratuum lesionem enormem concedere presumpserunt quorum aliqui litteras confirmationis in forma communi a Sede Apostolica impetrasse dicuntur Quare idem Abbas nobis humiliter supplicavit ut ipsis Monasterio Cluniacensis et Prioratibus super hoc providere paterna sollicitudine curaremus Nos itaque ipsius precibus inclinati discretioni tue per Apostolica scripta mandamus quatinus nonobstantibus juramentis instrumentis et litteris penis ac confirmationibus supradictis vel si aliquibus ex predictis qui bona hujusmodi taliter detinere noscuntur a predicta Sede indultum existat quod per litteras Apostolicas interdici suspendi aut excommunicari non possint nisi in eis de indulgentia hujusmodi expressa mentio habeatur et constitutione de duabus dietis edita in Concilio generali dummodo ultra tertiam vel quartam aliquis extra suam Diecesim auctoritate presentium ad judicium non trahatur ea que de bonis predictorum Monasterii et Prioratuum per concessiones hujusmodi alienata inveneris illicite vel distracta ad jus et proprietatem eorumdem Monasterii et Prioratuum legitime revocare procures contradictores per censuram Ecclesiasticam appellatione postposita compescendo Testes autem qui fuerint nominati si se gratia odio vel timore subtraxerint censura simili appellatione cessante compellas veritati testimonium perhibere Datum Viterbii XV Kalendas Februarii Pontificatus nostri anno primo Sunt et alie due conservatorie ejusdem tenoris et date ab eodem Pontifice directe Abbati S Cornelii de Compendio Suessionens Dieces et Decano Ecclesie Pelentinensis ad eumdem effectum