Charter Document - 02195215
| Charter Number: | 02195215 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Exhortation |
| Date: | 1276 |
| Date type: | Internal, A.D., Feast |
| Resource Link(s): |
CCE: cartae cluniacenses electronicae |
Charter:
Reverendo in Christo patri ac domino Y Dei gratia abbati Cluniacensi ejusdemque loci sacro conventui frater Thomas humilis prior monasterii beate Marie de Thefford in Anglia salutem et obedientiam usque ad mortem humilem et devotam cum omni reverentia et honore Quoniam a die Pasche in unum mensem diem habemus nobis prefixum coram justiciarium domini Regis apud Londonium cui absque domus vestre Thefford perpetuo ac gravi detrimento abesse non possumus aliisque multis ac variis et arduis dicti monasterii negotiis impediti ad capitulum generale Cluniacense ad presens accedere non valemus reverende paternitati vestre humiliter duximus supplicandum quatinus absentiam nostram ad presens habere velitis excusatam Quicquid enim in dicto capitulo per vos ac ejusdem capituli diffinitores ordinatum fuerit seu gestum parati erimus humiliter adimplere Valeat reverenda paternitas vestra per tempora longa Datum Thefford die mercurii in septimana Pasche anno Domini MCC septuagesimo sexto