Charter Document - 02195204
| Charter Number: | 02195204 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1275 |
| Date type: | Internal, A.D., Calendar, Feast |
| Resource Link(s): |
CCE: cartae cluniacenses electronicae |
Charter:
Universis presentes litteras inspecturis fratres Yvo Sancti Martini de Campis Parisiensis Petrus Sancti Pancracii Lewensis Petrus Sancti Arnulphi de Crispeio Odo de Choisiaco prioratuum priores Johannes subprior Nicholaus sacrista Hugo camerarius et Philippus cantor dicti prioratus Sancti Martini salutem in Domino Noveritis quod anno Domini millesimo ducentesimo septuagesimo quarto die mercurii ante dominicam in Ramis palmarum videlicet III non aprilis Parisius in predicto prioratu Sancti Martini in aula magna infirmarie reverendus in Christo pater domnus Yvo Dei gratia abbas noster Cluniacensis nobis prenominatis cum aliis multis religiosis et secularibus vocatis presentibus ac nuntiis religiosorum virorum subprioris et conventus de Caritate super Ligerim scilicet Roberto de Montigniaco Thoma de Conada prioribus Roberto succelerario et Petro infirmario Caritatensi qui ex parte ipsorum subprioris et conventus pro habendo priore ad ipsum domnum abbatem venerant specialiter vocatis et in ipsius domni abbatis presentia constitutis idem domnus abbas dando eis priorem verbis usus est que secuntur Venerabilibus et karissimis fratribus nostris subpriori et conventui domus de Caritate ad presens priore vacante quam menbrum nobile ecclesie Cluniacensis inter cetera ipsius ecclesie menbra affectu sincere dilectionis amplectimur desiderantes personam dare ydoneam in priorem que tam in spiritualibus quam temporalibus dicte domus de Caritate personis et loco salubriter atque utiliter tanquam prior preesse valeat et prodesse communicato quorumdam seniorum tam Cluniacensium quam Caritatensium consilio singulariter in secreto ac intra nos deliberatione habita diligenti dictis subpriori et conventui vobisque suis nunciis damus in priorem de Caritate venerabilem et karissimum fratrem nostrum Symonem de Hermenteriis camerarium Cluniacensem et priorem Coinssiacensem Quo audito prenominati nuncii et nonnulli priores domui de Caritate subditi presentes ad pedem dicti domni abbatis venerunt sibi grates devote et humiliter referentes In quorum memoriam et testimonium nos predicti Sancti Martini de Campis [] Sancti Arnulphi [] de Choisiaco priores subprior sacrista camerarius et cantor Sancti Martini sigilla nostra nosque prior Sancti Pancracii quia propter novitatem institutionis nostre in dicto prioratu Sancti Pancracii Lewensis sigillum nomine prioris Lewensis nundum habemus sigillum quo nomine prioris Silviniacensis dum administrationem prioratus Silviniacensis gessimus utebamur presentibus litteris duximus apponenda Datum Parisius anno et die predictis