Charter Document - 02195164
| Charter Number: | 02195164 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1271 |
| Date type: | Internal, A.D. |
| Resource Link(s): |
CCE: cartae cluniacenses electronicae |
Charter:
Nos Guichardus Dei gratia Matisconensis episcopus notum facimus universis presentes litteras inspecturis quod cum domina Guillermeta relicta domini Hugonis de la Peurere militis haberet teneret possideret vel quasi quinquaginta octo solidos et tres denarios Viennenses censuales super hominibus tailliis terris pratis vineis aquis et nemoribus in villa et parochiatu de Sancto Poncio sitis de suo franco alodio prout dicta domina Guillermeta asserit coram nobis supradicta domina Guillermeta in nostra propter hoc presentia constituta sciens prudens et spontanea vendit tradit vel quasi ac titulo pure et perfecte venditionis perpetuo possidendum cedit et concedit venerabilibus et religiosis viris Yvoni abbati et conventui Cluniacensi et eorum successoribus in allodium supradictos quinquaginta octo solidos et tres denarios Viennenses censuales et quicquid habet vel habere potest et debet quocunque titulo in parochiatu predicto precio quinquaginta octo librarum Viennensium quas dicta domina G confessa est coram nobis se recepisse et habuisse integraliter a dictis religiosis in pecunia numerata devestiens se dicta domina G de predicto servitio tallia seu censu venditis [] promittens [] [usque] obligando Renuncians insuper in hoc facto dicta domina G per prestitum juramentum [] In cujus rei testimonium ad preces et instantiam dicte domine Guillermete sigillum nostrum presentibus litteris duximus apponendum Datum anno Domini MCC septuagesimo mense februarii