Charter Document - 02195149

Noverint universi presentes litteras inspecturi quod cum super discordia que longo tempore viguit inter reverendos Patres Archiepiscopum Bisuntinensem ex una parte et Abbatem Clun[] ex altera super subiectone Balmensis Monasterij siti in dioecesi Bisuntinesi iure et interdictione que unusquisque eorum se asserebat habere in eodem Balmensi Monasterio In nos Henricum de Cyes Cantore Bisunt[] et magistrum Richardus de Valgrenat Archidiaconum de Luxouio Scholasticum Bisunt[] ex parte reuerendi Patris Odonis Dei gratia Archiepiscopi Bisunt[] et eius Capituli Bisunt[] Et in nos fratre Petrum de Bianfort Priorem S Marcelli prope Cabilonum et magistrum Bartholomeum de Bosco Archidiaconum Brissie in Ecclesia Cabilon[] ex parte reverendi Patris Yvonis Dei gratia Abbatis Clun[] et eius Conuentus nomine suo et Conuentus sui Clun[] a quo super hoc potestatem habebat extiterit compromissum in hunc modum Quod quicquid per nos quatuor super dicta discordia dictum factum ordinatumve concorditer fuerit ratum et gratum habebunt et in posterum inuiolabiliter observabunt Nos Henricus Richardus frater Petrus et Bartholomeus antedicti super dicto compromisso in nos recepto sub modo predicto diligenti tractatu cum dictis Patribus et inter nos etiam prehabito sic dicimus facimus et ordinamus concorditer quod vacate Monasterio Balmensi Pastore cum eminebit electio facienda in eodem Conuentus Balmensis eligat de gremio Clun[] tantum et electum presentet Abbati Clun[] Abbas vero Clun[] presentet eundem electum Archiepiscopo Bisunt[] Qui Archiepiscopus habet electionem et personam electi examinare confirmare vel infirmare et si vitio electionis contingat electionem infirmari predictam ab ipso Archiepiscopo remittatur ab eodem electio illa vice ad Conuentum Balmensem iterum facienda ab eodem Balmensi Conuentu de gremio Clun[] tantum et ea electione facta presentetur electus per Conuentum Balmensem Abbati Clun[] et per Abbate Clun[] Archiepiscopo Bisunt[] ab eodem Archiepiscopo confirmandus vel in firmandus sicut et supradictum est Quod si electio sic semel remissa infirmata fuerit vitio electionis ex tunc Archiepiscopus prouideat Monasterio Balmensi de persona que sit de gremio Clun[] et non aliunde Si vero vicio persone vel defectu quassata fuerit electio facta a Conuentu Balm[] non remittat dictus Archiepiscopus ad dictum Conuentum Balm[] electione illa vice sed prouideat Monasterio Balmensi de persona que sit de gremio Clun[] et non aliunde Item et in casu negligentie videlicet si Monachi Balmenses neglexerint eligere infra tempus statutum a iure prouideat ex tunc dictus Archiepiscopus Bisuntinensis Monasterio Balmensi de persona que sit de gremio Clun[] et non aliunde Item quod Abbas Balmensis Monasterij quicumque pro tempore fuerit veniat ad Synodos Bisunt[] singulis annis nisi impedimento legitimo sit detectus Habeat etiam et percipiat Archicpiscopus Bisunt[] quicumque pro tempore fuerit semel tactum in quolibet in Monasterio Balm[] procurationem ratione visitationis Que visitatio talis erit Quod Archiepiscopus veniens ad Monasterium Balmense et ibi recipiens procuratione suam si ipsa die vel in crastino invenerit ibi vel viderit aliquos excessus corrigendos eosdem excessus tunc non corriget sed per suas patentes litteras dictos excessus et diem visitationis predicte continentes denunciabit Abbati Clun[] apud Cluniacum si presens sit si vero absens fuerit tradantur dicte littere Priori Maiori vel Priori Claustrali Clun[] infra quindecim dies post receptione procurationis predicte Qua denunciatione sic facta si Archiepiscopus Bisuntin[] veniens ad Monasterium Balmense alio anno et procurationem suam recipiens eosdem excessus vel aliquos ex ipsis invenerit non correctos dictus Archiepiscopus dictos excessus corrigat et ad ipsorum excessuum iam denunciatorum et non correctorum correctione procedat et procedere valeat tam circa personam Abbatis Monasterij Balmensis qui pro tempore fuerit quam circa personas Monachorum eiusdem loci et statum loci et observantie regularis in loco Balm[] prout excessuum quantitas et qualitas hoc requirent Visitationem autem et correctionem habeat Abbas Clun[] in Monasterio Balmensi tam Abbatis Balm[] quam ipsorum Monachorum et eas exerceat per se vel per alium fui Ordinis in spiritualibus et temporalibus secundum Clun[] Ordinis instituta ac etiam ad ipsius Abbatis Balmensis destitutionem culpa sua hoc exigente procedat salvis tamen omnibus et singulis superius ordinatis Dicimus etiam et ordinamus concorditer quod utrique tam Archiepiscopus Bisunt[] quam Abbas Clun[] qui pro tempore fuerint interdictione Ecclesiastica exerceant in Abbatem et Monachos Balm[] qui pro tempore fuerint uterque earumdem Archiepiscopi et Abbatis quantum ad articulos pro se superius concordatas seu concorditer per nos ordinatos Item quod Archiepiscopus Bisunt[] et Abbas Clun[] qui pro tempore fuerint sibi ad invicem bona fide consilium et auxilium prestent contra Abbate et Monachos Balmenses qui pro tempore fuerint si eisdem Archiepiscopo et Abbati vel eorum alteri rebelles fuerint in premissis vel aliquo premissorum Hec autem omnia et singula secunda quod superius continentur pronunciata sunt et fuerat Belne in clauetro beate Marie presentibus reverendis Patribus Oddone Dei gratia Archiepiscopo Bisunt[] et Yvone Dei gratia Abbate Clun[] et acceptata et approbata ab eisdem In cuius rei testimonium nos Henricus Cantor Bisunt[] Magister Richardus Archid[] de Luxouio Scholasticus Bifunt[] frater Petrus Prior S Marcelli et magister Bartholomeus de Bosco Archidiaconus Brissie in Ecclesia Cabil[] sigilla nostra uma cum sigillis dictorum Patrum presentibus duximus apponenda Datum Belne XVII Kal Nouembr anno Domini MCCLXIX