Charter Document - 02195107
| Charter Number: | 02195107 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1265 |
| Date type: | Internal, Calendar, Papal |
| Resource Link(s): |
CCE: cartae cluniacenses electronicae |
Charter:
In hiis que Sane petitio vestra nobis exhibita continebat quod nonnulla bona que ad Cluniacense monasterium pertinebant ad bone memorie Guillelmum Olenensem episcopum qui predicti monasterii abbas fuerat pervenerant et postquam ipse ad Olenensis ecclesie regimen assumptus extitit penes eum remanserunt prout idem etiam coram carissimo in Christo filio nostro [] illustri rege Francie recognovit volens et concedens quod illa que sui obitus tempore sibi de bonis hujusmodi superessent libere ad monasterium redire deberent predictum prout in patentibus litteris inde confectis plenius dicitur contineri Verum dicto episcopo rebus humanis exempto felicis recordationis Urbanus papa predecessor noster asserens quod predicta Olenensis ecclesia erat sue camere in quadam summa pecunie obligata et quod hac de causa hujusmodi bona pertinebant ad ipsum illa sequestrari mandavit Unde nobis humiliter supplicastis ut cum sicut asseritis prefatus episcopus ad eamdem ecclesiam nunquam accesserit et nichil habuerit de bonis ejusdem vobis in hac parte de favorabili remedio dignaremur apostolica diligentia providere Nos igitur vestris supplicationibus inclinati ut predicta bona omnia que Sive ad cameram nostram sive ad monasterium prelibatum pertineant de gratia liberali ad vos devenire volumus petere recipere ac retinere libere valeatis auctoritate vobis presentium indulgemus Nulli ergo nostre concessionis [] Dat Perusii viii kalendas decembris anno primo