Charter Document - 02195106

Clemens Episcopus servus servorum Dei dilecto filio Abbati Monasterii Cluniacensis salutem et Apostolicam benedictionem Ex parte tua fuit propositum coram nobls quod nonnulli Monasterii tui et membrorum ejus Monachi quorum aliqui capellani nostri existunt Priores Prioratuum et Domorum Clun Ordinis sibi a Sede Apostolica obtinuere concedi ut a Prioratibus et domibus predictis nequeant amoveri absque Sedis ipsius speciali mandato faciente plenam et expressam de indulto hujusmodi mentionem Quare nobis humiliter supplicasti ut cum id redundet in ipsius Ordinis prejudicium et scandalum plurimorum super hoc adhibere salubre remedium paterna sollicitudine curaremus Nos itaque tuis supplicationibus inclinati Discretioni tue per Apostolica scripta mandamus quatenus super hoc contra predictos Priores [dummodo ipsis majori administrationi seu dignitati cedentibus de iisdem Prioratibus seu Domibus provisum non fuerit] hujusmodi seu quibuslibet aliis indulgentiis Sedis ejusdem nequaquam obstantibus libere officii tui debitum exequaris Datum Perusii XII Kalendas Decembris Pontificatus nostri anno primo Habetur Privilegium ejusdem Clementis Pape IV omnino simile Privilegio Vrbani Pape IV per quod concedit quod Cluniacenses non teneantur solvere usuras pecuniarum sibi creditarum sed possint quas solverint in sortem principalem deducere et est Datum Perusii V Nonas Decembris Pontificatus anno primo Quare vide supra pag Habetur etiam Bulla ejusdem Clementis Pape IV per quam revocat Privilegia concessa nonnullis personis Ecclesiasticis et laicis quod non possent excommunicari suspendi vel interdici a quoquam a qua tamen revocatione excipit Reges et Reginas eorumque filios necnon Religiosas personas et Ordines ac loca privilegiata Est que data Viterbii Idibus Augusti Pontificatus anno secundo