Charter Document - 02195100

Clemens Episcopus servus servorum Dei dilectis filiis Abbati et conventui Clun salutem et Apostolicam benedictionem Favore vestre Religionis inducimur ut vos de gratia in gratiam provehentes vos donis gratuitis et potioribus gratiis honoremus Cum igitur felicis Recordationis Innocentius Papa predecessor noster vobis duxerit indulgendum ut ad nullius receptionem vel provisionem compelli possitis per litteras Apostolicas impetratas vel etiam impetrandas quantumcumque generales vel speciales fuerint nisi nominatim de Ordine Cluniacensi et ipsa indulgentia plenam et expressam fecerint mentionem Nos volentes vobis facere gratiam pleniorem tuis [fili Abbas] precibus inclinati vobis et Ordini vestro auctoritate presentium indulgemus ut nulli deinceps per litteras Apostolice Sedis vel legatorum ipsius impetratas dummodo non sit per eas jus alicui acquisitum vel etiam impetrandas etiamsi contineatur in eis quod aliqua Sedis ipsius indulgentia non obsistat possit de Prioratibus Decanatibus Grangiis Ecclesiis Beneficiis sive reditibus ad vos vel fratres Ordinis vestri spectantibus provideri aut assignari vel conferri Pensiones in eis nisi de verbo ad verbum in eisdem litteris totus tenor presentis indulgentie sit insertus Nulli ergo omnino hominum liceat hanc paginam nostre concessionis infringere vel ei ausu temerario contraire Si quis autem hoc attentare presumpserit indignationem omnipotentis Dei et Beatorum Petri et Pauli Apostolorum ejus se noverit incursurum presentibus post quinquennium minime valituris Datum Perusii V Idus Novembris Pontificatus nostri anno primo