Charter Document - 02195098
| Charter Number: | 02195098 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1265 |
| Date type: | Internal, Calendar, Papal |
| Resource Link(s): |
CCE: cartae cluniacenses electronicae |
Charter:
Clemens Episcopus servus servorum Dei dilectis filiis Abbati et conventui Monasterii Cluniacensis Matisconensis Diocesis salutem et Apostolicam benedictionem Vestre Religionis honestas efficaciter nos hortatur ut sincera vos diligentes in Deo caritate in iis que vobis et Monasterio vestro profutura conspicimus votis vestris favorabiliter annuamus Hinc est quod nos devotionis vestre precibus inclinati auctoritate vobis presentium duximus concedendum ut cedentibus vel decedentibus illis personis qu tenent Prioratus ad Monasterium predictum vel ejus membra spectantes qui consueverunt per Monachos Clun Ordinis gubernari Prioratus ipsi [etiamsi in curia Romana vacaverint] ad Monasterium et membra predicta libere revertantur per hujusmodi monachos prout antiquitus consuevit fieri gubernandi nec possit vobis obiici quod personis secularibus collati aliquando Prioratus extiterint supradicti aut per hoc nullum vobis contra premissa prejudicium generari nos ex nunc decernimus inane ac irritum si secus de dictis Prioratibus per quoscumque fuerit attentatum Nulli ergo [] Datum Perusii Nonis Novembris Pontificatus nostri anno primo