Charter Document - 02195095
| Charter Number: | 02195095 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1265 |
| Date type: | Internal, Calendar, Papal |
| Resource Link(s): |
CCE: cartae cluniacenses electronicae |
Charter:
Clemens Episcopus servus servorum Dei dilecto filio Abbati Cluniacensi salutem et Apostolicam benedictionem In decentiam et ornatum redundat totius corporis cum ipsius a capite membra non discrepant sed veluti subjecta obediunt capiti eidemque obsequentia ad ejus nutum faciunt universa Cum igitur a tempore cujus non extat memoria in Cluniacensi Ordine pacifice fuerint [ex quo multum floruisse dignoscitur] observatum ut Priores et Monachi ejusdem Ordinis ubilibet commorantes ac loca eorum que Monasterio et Abbati Clun noscuntur fuisse concessa subjecta sint Abbati Clun in spiritualibus et temporalibus pleno jure ac iidem Priores et Monachi soli Abbati Cluniacensi professionem faciant promittantque usque ad mortem ipsi Abbati quoties novus instituitur obedientiam manualem et benedictionem recipiant ab eodem et reddant ad mandatum ipsius Abbatis de singulis que ad administrationem spiritualium vel temporalium pertinent rationem ac Abbas Cluniacensis qui pro tempore fuerit liberam institutionem et destitutionem habeat in eosdem super quibus omnibus hactenus nulla sicut in nostra presentia pro parte tua propositum extitit questio mota fuit Sed tu et Predecessores tui fuistis libere ac pacifice in possessione vel quasi omnium predictorum Nos attendentes quod hec omnia reddunt eumdem Ordinem celebrem et insignem cum populus sub uno Rectore prosperari consueverit et cadere sub diversis Ea omnia adinstar felicis Recordationis Innocentii Pape predecessoris nostri approbantes ipsa prout rationabiliter facta sunt et hactenus pacifice observata sunt auctoritate Apostolica confirmamus et presentis scripti patrocinio communimus districtius inhibentes ne quis contra ipsa que firmiter in perpetuum observari volumus quicquam facere vel attentare presumat Et si aliquis de ipso Ordine contra fecerit vel super Electione facienda in Prioratibus ejusdem Ordinis vel confirmatione ipsius a Sede Apostolica litteras impetrarit nisi littere ipse plenam de predictis mentionem fecerint nullius penitus sint momenti et alias ipse de dicto Ordine qui contra predicta venire tentaverit secundum discretionem Abbatis animadversione debita puniatur Nulli ergo [] Datum Perusii IV Nonas Novembris Pontificatus nostri anno primo