Charter Document - 02195065
| Charter Number: | 02195065 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1264 |
| Date type: | Internal, A.D. |
| Resource Link(s): |
Reference Document for this Embedded Document CCE: cartae cluniacenses electronicae |
Charter:
Universis presentes litteras inspecturis frater Yvo humilis Prior Cluniacensis totusque ejusdem loci conventus salutem in Domino eternam Quoniam de reditibus et Proventibus Pitancie nostre deputatis nobis minus competenter ministrabatur et in Pitanciis frequenter patiebamur penuriam et defectum Reverendus pater Dominus Yvo Abbas noster Cluniacensis paterna sollicitudine curans nobis competentius et commodius ministrari Nobiscum super hoc pro se et successoribus suis Cluniacensi Abbatibus ordinavit et convenit in hunc modum Videlicet quod universos et singulos redditus et Proventus dicte Pitantie deputatos et etiam assignatos quosque ipsa Pitantia consuevit et debuit percipere et habere usque ad diem confectionis presentium litterarum ipsius Reverendi Patris nostri Abbatis et successorum ejus Cluniacensium Abbatum Camera de cetero in perpetuum percipiet et habebit cum prandio a Domo nostra Silviniacensi debito viginti libris Cluniacensibus in Territorio Cluniacensi pro Ioannis de Bapalmis quondam Prioris Claustralis Clun anniversario octo libris et quinque solidis Parisiens in Territorio de Chevignes pro Donadei quondam Prioris Domus nostre sancti Saturnini de portu anniversario Centum solidis Viennensibus in valle Dardre pro Gaufridi de Buxeria Monachi anniversario centum solidis Parisiensibus apud Ambertam pro Domini Petri de sancto Ypolito Canonici Lingonensis Anniversario assignatis necnon decem libris Viennensibus in quibus Domus nostra de Paredo pro anniversario bone memorie Rollandi quondam Abbatis nostri Cluniacensis tenetur reditibus etiam et Proventibus a nobis ex nunc in antea ratione Pitantie acquirendis aut nobis a Christi fidelibus conferendis dumtaxat exceptis que nobis omnia remanebunt Idem vero Abbas et successores sui jam dicti nobis propter hoc in potagio oleo speciebus pro sausis amygdalis riso farina pro tartris et pastillis quotiescumque nos tartras et pastillos habebimus et aliis omnibus absq piscibus necessariis in quibus ante tempus ordinationis et conventionis istius nobis provideri consuetum est tenentur competenter providere vel facere provideri nobisque die illa qua Tartras habebimus Pitantia nostra de Caseis a dicta Domini Abbatis Camera solvetur nihilominus et reddetur tenentur insuper tam dictus Dominus Abbas quam successores sui predicti annis singulis in perpetuum reddere et solvere nobis centum octoginta libras Viennens videlicet Dominica in Bordis sexaginta libras in Festo B Marie Magdalene sexaginta libras et in Festo B Dionysii sexaginta libras in usus et utilitatem dicte nostre Pitantie convertendis Ceterum duas salvas infra clausuram Proprisii Ecclesie Cluniacensis cum fossatis que sunt extra clausuram eamdem a Turre de horto usque ad Proprisium Decanatus nobis sepe dictus Dominus Abbas pro se et successoribus suis jam dictis concessit et donavit Habebit autem quicumque bona ipsius Pitantie conservabit unum equum cui in feno et avena et unum garsionem cui in victu idem Dominus Abbas et successores sui tenentur facere provideri In cujus rei testimonium presentibus litteris sigilla nostra dignum duximus apponenda Datum Cluniaci V Idus Ianuarii Anno Domini MCCLXIII