Charter Document - 02195057
| Charter Number: | 02195057 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1263 |
| Date type: | Internal, Calendar, Papal |
| Resource Link(s): |
Reference Document for this Embedded Document CCE: cartae cluniacenses electronicae |
Charter:
Urbanus Episcopus servus servorum Dei dilectis filiis Abbati et Conventui Monasterii Cluniacensis salutem et Apostolicam benedictionem Meritis vestre Religionis inducimur ut vos favore benevolo prosequamur et in his que digne deposcitis habeamus providentie studium efficacis Sane sicut petitio vestra nobis exhibita continebat nonnulli Laici diversarum civitatum et Diecesum ac Provinciarum qui a vobis ac personis Monasteriorum Prioratuum et membrorum aliorum Cluniacensi Monasterio subjectorum multa extorserunt per usurariam pravitatem asserentes vos ac personas easdem in nonnullis pecuniarum summis teneri eisdem vos super hujusmodi pecuniis multipliciter inquietant petendo sibi satisfieri de eisdem Quare nobis humiliter supplicastis ut super iis providere paterna sollicitudine curaremus Nos itaque vestris supplicationibus inclinati ut vos ac persone predicte de hujusmodi pecuniarum summis in quibus Laicis ipsis tenemini valeatis deducere sic extorta ita quod de iis satisfacere illis minime teneamini nec ad ea solvenda compelli possitis inviti sed ea dicti Laici computare teneantur in sortem ipsis quoque vos ac persone ipse possitis usuras denegare promissas et repetere quas eis hactenus persolvistis etiamsi de solvendo eisdem Laicis usuras ipsas vel aliud in fraudem earum et de non repetendo ipsas Laicis predictis vestras vel alterius litteras concessistis et renunciastis super hoc omnibus litteris et indulgentiis Apostolicis impetratis et etiam impetrandis necnon juris auxilio canonici et civilis ac exceptionibus quibuscumque auctoritate vobis presentium indulgemus Nulli ergo [] Datum apud Vrbemveterem X Kalendas Maii Pontificatus nostri anno II