Charter Document - 02195047
| Charter Number: | 02195047 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1262 |
| Date type: | Internal, Calendar, Papal |
| Resource Link(s): |
TELMA - Aposcripta CCE: cartae cluniacenses electronicae |
Charter:
Urbanus Episcopus servus servorum Dei dilectis filiis Abbati et Conventui Monasterii Cluniacensis salutem et Apostolicam benedictionem Desideriis vestris in iis affectu benevolo libenter annuimus per que materia submota gravaminum status vestri tranquillitas procuretur Sane petitio vestra nobis exhibita continebat quod venerabilis frater noster Episcopus et Canonici Matisconenses vestris libertatibus invidentes vobis et Monasterio vestro quod in Diocesis Matisconensis consistit oppido sunt infesti sicque vobis non est tutum litigare coram eis cum ipsos habeatis manifesta ratione suspectos Itaque vestris supplicationibus inclinati vobis auctoritate presentium indulgemus ut coram eodem Episcopo vel aliquo ex Canonicis ipsis auctoritate litterarum Sedis Apostolice vel Legatorum ipsius conveniri minime valeatis ac Episcopus vel Canonici predicti non possint in vos aut Monasterium vestrum pretextu litterarum hujusmodi jurisdictionem aliquam exercere nisi littere dicte Sedis de Monasterio ipso et indulgentia hujusmodi plenam et expressam fecerint mentionem Nulli ergo [] Datum Viterbii Nonis Maii Pontificatus nostri anno primo