Charter Document - 02195022
| Charter Number: | 02195022 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1260 |
| Date type: | Internal, Calendar, Papal |
| Resource Link(s): |
CCE: cartae cluniacenses electronicae |
Charter:
Alexander Episcopus servus servorum Dei venerabili fratri Henrico Gebennensi Episcopo salutem et Apostolicam benedictionem Speciali gratia et favore te illa de causa dignum potissime reputamus quia toto cordis affectu ad hoc semper intendere diceris ut per grata devotionis obsequia Sedi Apostolice valeas complacere Hinc est quod nos tuis supplicationibus inclinati tibi presentium auctoritate concedimus ut Prioratum Romani Monasterii Clun Ordinis Lausanensis Diocesis quem promotionis tue tempore obtinebas una cum Episcopatu Gebennensi possis usque ad nostre voluntatis beneplacitum licite retinere Decernentes irritum et inane si secus de Prioratu ipso a quoquam contigerit attentari non obstantibus Privilegio seu indulgentia concessis Monasterio vel Abbati Clun Cujuscumque tenoris existant etiamsi de ipsis plenam et expressam oporteat in nostris litteris fieri mentionem per que effectus concessionis hujusmodi impediri valeat vel differri et constitutione Concilii generalis et qualibet alia Ordinis contraria memorati Si quis autem hoc attentare presumpserit indignationem omnipotentis Dei et Beatorum Petri et Pauli Apostolorum ejus se noverit incursurum Datum Anagnie VI Kalend Maii Pontificatus nostri anno VI