Charter Document - 02195015
| Charter Number: | 02195015 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1259 |
| Date type: | Internal, Calendar, Papal |
| Resource Link(s): |
CCE: cartae cluniacenses electronicae |
Charter:
Alexander Episcopus servus servorum Dei dilectis filiis Abbati et Conventui Monasterii Cluniacensis salutem et Apostolicam benedictionem Sic odore vestre Religionis reficimur ut quietem vestram multipliciter affectantes libenter et liberaliter vestris obviemus dispendiis et gravaminibus occurramus Vestris itaque supplicationibus favorabiliter annuentes vobis auctoritate presentium indulgemus ut non teneamini ad receptionem vel provisionem cujusquam quodque de beneficiis Ecclesiasticis Prioraribus Decanatibus Regularibus vel secularibus Domibus seu Grangiis ad collationem seu presentationem vestram communiter vel divisim spectantibus nulli valeat provideri nec vobis aut vestrum aliquibus quominus Beneficia Decanatus Prioratus Domos et Grangias hujusmodi cum vacaverint personis idoneis conferre vel ad ea hujusmodi personas prout ad vos pertinet presentare possitis aliquod obstaculum interponi possit per litteras Apostolice Sedis vel Legatorum ipsius impetratas dummodo non sit per eas jus alicui acquisitum vel etiam impetrandas nisi Sedis ejusdem littere impetrande de indulto hujusmodi plenam et expressam fecerint mentionem Excommunicationis quoque suspensionis et interdicti sententias si quas in vos vel vestrum aliquem contra indulti hujusmodi tenorem promulgari contigerit decernimus irritas et inanes Nulli ergo [] Datum Anagnie III Nonas Decembris Pontificatus nostri anno V