Charter Document - 02194997
| Charter Number: | 02194997 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1258 |
| Date type: | Internal, Calendar, Papal |
| Resource Link(s): |
CCE: cartae cluniacenses electronicae |
Charter:
Alexander Episcopus seruus seruorum Dei venerabili fratri Philippo Episcopo Placentin salutem et Apostolica benedictionem Exposuit nobis tua fraternitas quod cum olim Prioratus S Georgij Placentin propter malitiam temporis et incuriam personarum degentium in eodem adeo esset onere debitorum grauatus quod iuxta crederetur liberari posse a voragine usurarum venerabilis frater noster Guillelmus Episcopus Olenen tunc Abbas Monafterij Clun ad quod Prioratus ipse pertinet vt per industriam tuam idem Prioratus exonerari posset a debitis et in statu prospero conseruari Eum tibi tunc Archidiacono Bononiensi prout spectabat ad ipsum ad vitam suam concessit sub annua pensione ita quod ad solutionem debitorum intenderes et in eo faceres per Monachos deseruiri idque postmodum felicis recordationis Innocentius Papa predecessor noster auctoritate Apostolica confirmauit Cum autem sicut asseris et pensionem persolueris et premissa curaueris adimplere ita quod tam pro reformatione Prioratus eiusdem quam pro exoneratione debitorum huiusmodi plus expenderis quam receperis de Prioratus reditibus supradicti Nos tuis supplicationibus inclinati vt Prioratum ipsum non obstante quod assumptus es ad regime Ecclesie Placentin iuxta concessionem dicti Episcopi et confirmationem predecessoris eiusdem possis licite retinere auctoritate tibi presentium indulgemus decernimus irritum et inane siquid de illo contra tenorem concessionis et confirmationis huiusmodi a quoquam attentatum extitit vel contigerit attentari Nulli ergo omnino hominum liceat hanc paginam nostre concessionis et confirmationis infringere vel ei ausu temerario contraire Siquis autem hoc attestare presumpserit indignatione omnipotentis Dei et beatorum Petri et Pauli Apostolorum eius se nouerit incursum Datum Viterbij iij Kal Octob Pontificatus nostri anno IV