Charter Document - 02194994

Alexander Episcopus servus servorum Dei dilectis filiis Abbati et conventui Monasterii Cluniacensis salutem et Apostolicam benedictionem Super provisione pauperum Clericorum Diecesanis ipsorum sub ea forma litteras nostras dirigere consuevimus ut iidem Diecesani Clericis ipsis de Beneficiis Ecclesiasticis si qua ad eorumdem Diecesanorum collationem spectantibus si qua in eorum civitatibus vel Diecesibus vacabant quamprimum ad id se offerret opportunitas per se vel per alios providerent contradictores per censuram Ecclesiasticam appellatione postposita compescendo quarum auctoritate predicti Diecesani qui habebant plura Beneficia de quibus poterant eisdem Clericis providere quanquam forsitan non vacarent per se ac subdelegatos ab eis de Beneficiis Ecclesiasticis ad vestram et Abbatum et conventuum ac Priorum Monasteriorum Prioratuum membrorum vestro Monasterio subjectorum ac Cluniacensis Ordinis collationem seu presentationem spectantibus de facto [prout asseritis] clericis providerunt eisdem in vestrum ac Monasteriorum Prioratuum et membrorum predictorum prejudicium et gravamen Quare nobis humiliter supplicastis ut super hoc providere vobis Monasteriis Prioratibus et membris predictis paterna sollicitudine curaremus Quia vero nec forma litterarum hujusmodi nec nostra etiam habet intentio ut predicti Diecesani si habent aliqua Beneficia Ecclesiastica ad suam collationem spectantia etiamsi non vacent possint de beneficiis ad collationem seu presentationem aliorum spectantibus auctoritate litterarum ipsarum predictis clericis providere tenore presentium declaramus ut per litteras quas sub premissa forma predictis Diecesanis direximus si predicti Diecesani habent aliqua beneficiis de quibus valeant providere clericis memoratis etiamsi non vacent de beneficiis ad vestram seu Abbatum et conventuum vel Priorum predictorum collationem sive presentationem spectantibus clericis ipsis nequeat provideri collationes si que facte sunt auctoritate litterarum ipsarum de beneficiis que ad vestram seu Abbatum et conventuum ac Priorum eorumdem collationem sive presentationem pertinent dummodo Diecesani predicti haberent aliqua beneficia etiamsi non vacarent de quibus possent eisdem clericis providere decernentes irritas et inanes Nulli ergo [] Datum Viterbii III Kalendas Junii Pontificatus nostri anno IV