Charter Document - 02194991
| Charter Number: | 02194991 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1258 |
| Date type: | Internal, Calendar, Papal |
| Resource Link(s): |
CCE: cartae cluniacenses electronicae |
Charter:
Alexander Episcopus servus servorum Dei dilecto filio Abbati Monasterii Cluniacensis salutem et Apostolicam benedictionem In nostra proposuisti presentia constitutus quod nonnulli Monasterii tui et membrorum ejus Monachi quorum aliqui Capellani nostri existunt Priores prioratuum et domorum Cluniacensis Ordinis a Sede Apostolica obtinuere concedi ut a Prioratibus et Domibus predictis nequeant amoveri absque Sedis ipsius speciali mandato faciente plenam et expressam de indulto hujusmodi mentionem Quare nobis humiliter supplicasti ut cum id redundet in ipsius Ordinis prejudicium et scandalum plurimorum super hoc adhibere salubre remedium paterna sollicitudine curaremus Nos itaque tuis supplicationibus inclinati discretioni tue per Apostolica scripta mandamus quatinus super hoc contra predictos Priores hujusmodi seu quibuslibet aliis indulgentiis Sedis ejusdem nequaquam obstantibus libere Officii tui debitum exequaris Datum Viterbii Kalendis Maii Pontificatus nostri anno IV