Charter Document - 02194975

Alexander Episcopus servus servorum Dei dilectis filiis Abbati et conventui Clun salutem et Apostolicam benedictionem Favore vestre Religionis inducimur ut vos de gratia in gratiam provehentes vos donis gratuitis et potioribus honoremus Cum igitur vobis nuper felicis recordationis Innocentius Papa Predecessor noster duxerit indulgendum ut ad nullius receptionem vel provisionem compelli possitis per litteras Apostolicas impetratas vel etiam impetrandas quantumcumque generales vel speciales fuerint nisi nominatim de Ordine Cluniacensi et ipsa indulgentia plenam et expressam fecerint mentionem Nos volentes vobis facere gratiam pleniorem tuis [fili Abbas] precibus inclinati vobis et Ordini vestro ad instar predecessoris ejusdem auctoritate presentium indulgemus ut nulli deinceps per litteras Apostolice Sedis vel Legatorum ipsius impetratas dummodo non sit per eas jus alicui acquisitum vel etiam impetrandas possit de Prioratibus et Decanatibus Grangiis Ecclesiis Beneficiis sive Redditibus ad vos vel fratres Ordinis vestri spectantibus provideri aut assignari vel conferri pensiones in eis nisi eedem Littere impetrande de indulto hujusmodi et ipsius toto tenore de verbo ad verbum plenam et expressam fecerint mentionem Nulli ergo [] Datum Laterani II Nonas Februarii Pontificatus nostri anno II Hic debuisset reponi Bulla ejusdem Alexandri Pape IV data Laterani iv Idus Februarii Pontificatus anno ii confirmativa cujusdam instrumenti publici facti nomine quorumdam Mercatorum Senensium per quod declarant sibi satisfactum esse per Guillelmum Abbatem Cluniacensem de summa sex millium librarum Turonensium in qua ipse Abbas et Conventus Clun eisdem mercatoribus tenebantur ratione mutui Cujus instrumenti testes nominantur frater Petrus Prior sancti Victoris Gebennensis et frater Ioannes de Cusentiis Monachus Monasterii Cluniacensis et alii quia nullius est valoris ideo sufficit ejus mentionem fecisse