Charter Document - 02194945

Innocentius Episcopus servus servorum Dei dilecto filio Abbati Clun salutem et Apostolicam benedictionem Illa personam tuam et Ordinem Cluniacensem complectimur sinceritate favoris ut libenter iis que tibi ac eidem Ordini profutura noverimus nos donemus Cum igitur sicut nobis exponere curavisti tibi nuper duxerimus indulgendum ut nulli possit omnino de aliquo Prioratu vel Ecclesia Cluniacensis Ordinis provideri per litteras Apostolice Sedis vel legatorum ipsius non facientes plenam et expressam de Ordine Cluniacensi ac de verbo ad verbum et tenore ipsius indulgentie mentionem Nos volentes tibi facere gratiam ampliorem tuis precibus inclinati auctoritate tibi presentium indulgemus ne cuiquam in eisdem Prioratibus vel Ecclesiis in pensionibus vel aliis Ecclesiasticis Beneficiis valeat provideri neque dicti Ordinis Fratres ad Receptionem vel provisionem alicujus possint compelli per litteras dicte Sedis vel legatorum ipsius etiamsi contineatur in eis quod indulgentia quelibet non obsistat nisi de hac indulgentia plenam et expressam ac de verbo ad verbum ac toto tenore ipsius fecerint mentionem Nulli ergo [] Datum Mediolani XII Kalendas Septembris Pontificatus nostri anno IX