Charter Document - 02194932
| Charter Number: | 02194932 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1250 |
| Date type: | Internal, Calendar, Papal |
| Resource Link(s): |
CCE: cartae cluniacenses electronicae |
Charter:
Innocentius Episcopus servus servorum Dei dilectis filiis Abbati et conventui Clun salutem et Apostolicam benedictionem Petitiones vestras favore benevolo prosequentes libenter ea peragimus quas vobis et Ordini vestro utilia intuemur Cum igitur sicut nobis exponere curavistis vobis et Ordini vestro a sede Apostolica sit indultum ut ad nullius receptionem vel provisionem possitis per Litteras Apostolice sedis vel Legatorum ipsius compelli nisi plenam et expressam de eodem Ordine fecerint mentionem Nos volentes vobis et eidem Ordini facere gratiam ampliorem inclinati tuis precibus fili Abbas vobis et predicto Ordini auctoritate presentium indulgemus ut ad Receptionem vel provisionem hujusmodi coarctari per Litteras Apostolicas impetratas vel etiam impetrandas quantumcumque generales vel speciales fuerint minime valeatis nisi nominatim de Ordine Cluniacensi et de presenti indulgentia plenam et expressam fecerint mentionem Nulli ergo [] Datum Lugduni Nonis Octobris Pontificatus nostri anno VIII