Charter Document - 02194926

Innocentius Episcopus servus servorum Dei dilecto filio Abbati Clun salutem et Apostolinam benedictionem Cluniacense Monasterium quod est Sedis Apostolice speciale pro multa devotione quam ad nos et Sedem ipsam habere dignoscitur singulari Benevolentia prosequentes vehementer appetimus ut semper in salubri statu et prospero conservetur propter quod in iis que suum spirituale et temporale commodum respiciunt libenter sibi et sollicite providemus hinc est quod nos tibi et successoribus tuis ut Priores et monachos qui Prioratus Domos Grangias decanatus seu alia loca vel possessiones ad prefatum Monasterium pertinentia tenent possident regunt vel custodiunt aut tenebunt seu gubernabunt imposterum si census vel redditus servitia vel pecuniam seu quevis alia que Abbatibus Cluniacensibus solvi consueverunt annis singulis pro premissis statutis locis et temporibus tibi et eisdem Successoribus non curaverint exhibere a predictis Prioratibus et aliis locis revocare prorsusque amovere possitis et in ipsos officii vestri debitum exequi qualibet Apostolica indulgentia per quam posset nostre concessionis effectus vel executio impediri nequaquam obstante auctoritate presentium duximus concedendum Nulli ergo [] Datum Lugduni XV Kalendas Januarii Pontificatus nostri anno VII Est et aliud omnino simile datum Lugduni III Nonas Martii etiam anno VII Pontificatus ejusdem S D Innocentii Pape IV