Charter Document - 02194922
| Charter Number: | 02194922 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1249 |
| Date type: | Internal, Calendar, Papal |
| Resource Link(s): |
TELMA - Chartae galliae CCE: cartae cluniacenses electronicae |
Charter:
Innocentius Episcopus servus servorum Dei dilecto filio Priori de Norhantona Lincolniensis Diocesis salutem et Apostolicam benedictionem Dilecto filio Abbati Cluniacensi petente a Priore et Conventu Prioratus Leuvensis Cluniacensis Ordinis eidem Monasterio immediate subjecti coram dilecto filio nostro tituli sancti Laurentii in Lucina presbytero Cardinali partibus a nobis auditore concesso de quatuor annis preteritis decimam omnium Proventuum et Reddituum Prioratus ejusdem sibi ab Apostolica Sede concessam quia libello porrecto lite legitime contestata confessionibus factis et juramento calumnie ac de veritate discenda per Procuratores partium prestito ipsoque Procuratore dictorum Prioris et Conventus confesso in judicio dictum Prioratum eidem Monasterio immediate subjectum et Ordinis ejusdem existere ipsosque Priorem et Conventum ad solutionem petite decime teneri de valore portarum Proventuum liquere non potuit discretioni tue per Apostolica scripta mandamus quatinus dictos Priorem et Conventum ex parte nostra pro tempore citare procures ut infra duos menses post citationem tuam per Procuratorem idoneum cum pleno mandato jurandi in animabus eorum de valore ipsorum Proventuum coram ipso compareant justam dante domino sententiam recepturi Quod autem inde feceris nobis infra eumdem terminum tuis litteris continentibus tenorem presentium studeas intimare Datum Lugduni XVI Kalendas Januarii Pontificatus nostri anno VII