Charter Document - 02194917
| Charter Number: | 02194917 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1249 |
| Date type: | Internal, Calendar, Papal |
| Resource Link(s): |
CCE: cartae cluniacenses electronicae |
Charter:
Innocentius Episcopus servus servorum Dei dilecto filio Magistro Reginaldo de Velfia Canonico Ecclesie sancti Vrsini Bituricensis salutem et Apostolicam benedictionem Sua nobis dilectus filius Abbas Clun conquestione monstravit quod cum ei et fratribus Cluniacensis Ordinis a Sede Apostolica sit indultum ut laborum ac novalium suorum que propriis manibus aut sumptibus excolunt seu de suorum animalium nutrimentis nullus ab eis decimas exigere seu extorquere presumat nonnulli tamen Episcopi et Clerici per Regnum Francie constituti ab eis ejusmodi Decimas exigunt et extorquent contra indultum hujusmodi temere veniendo Quocirca discretioni tue per Apostolica scripta mandamus quatinus vocatis qui fuerint evocandi et auditis hinc inde propositis quod canonicum fuerit appellatione remota decernas faciens quod decreveris auctoritate nostra firmiter observari Testes autem qui fuerint nominati si se gratia et odio vel timore subtraxerint per censuram Ecclesiasticam appellatione cessante compellas veritati testimonium perhibere non obstante constitutione de duabus dietis edita in Concilio Generali dummodo ultra tertiam vel quartam aliquis extra suam Diocesim auctoritate presentium ad judicium non trahatur Datum Lugduni II Nonas Augusti Pontificatus nostri anno VII