Charter Document - 02194888
| Charter Number: | 02194888 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1246 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
Reverendo patri ac domino suo domino abbati [Cluniacensi] sue Mauziacensis ecclesie humilis conventus debitam cum reverentia obedientiam Cum primum de abbatis nostri E decessu nuper nostris fuisset auribus revelatum quosdam de nostris fratribus paternitati vestre transmisimus qui ex parte nostra fideliter intimarent quod in J priorem sine ulla contradictione concordaverimus a vobis humiliter postulantes ut ipsum nobis in pastorem vestra paternitas concedere dignaretur Nunc iterum [quosdam] de eisdem fratribus nostris litteris patentibus instructos sanctitati vestre transmittimus pietati vestre unanimiter concordantes quod in eadem petitione utilitatem et pacem ecclesie fideliter attendentes et perseveramus et perseverabimus Quocirca paternitati vestre supplicamus et petimus ut utilitati et paci ecclesie nostre Mauziacensis consulentes eundem priorem famulum vestrum nobis dignemini concedere in pastorem Et ut in hoc vestra [paternitas] nos unanimes sciat esse omnium nostrum nomina presenti pagine fecimus apponi per elemosinarium []